Qırımda mayıs 23-ünde eki yañı koronavirus adisesi qayd etildi. BunıQırım ve Aqyardaki Rospotrebnadzor idaresiniñ yolbaşçısı Natalya Penkovskaya bildirdi.
"Adiselerniñ ekisi de - observatorlarda tibbiy nezaret altında bulunğan adamlardır. Birisi Aqmescit hastalıq merkezi boyunca, ekincisi - Qırımğa kelgen Sankt-Peterburg sakini. O kelgeninden soñ birden Kezlev observatorına qoyulğan edi. Onıñ aqayı da Sankt-Peterburgda koronavirusnen hasta olğan belli oldı", - dedi Penkovskaya.
Qırımnıñ Rusiye akimiyeti malümatına köre, bugünge qadar 326 yañı koronavirus hastası qayd etildi, 9 koronavirus hastası vefat etti. Aqyarda 154 yañı koronavirus hastası qayd etildi, eki kişi vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
