Krasnoperekopskta eki qız belli olmağan ilâclarnı qullanğan soñ mektepten hastahanege yatqızıldı, dep bildire «İnterfaks» agentligi Qırımnıñ felâket tibbiyeti merkeziniñ müdiri Sergey Olefirenkonıñ malümatına esaslanıp.
Onıñ bildirgenine köre, mektep talebeleri Krasnoperekopsknıñ dörtünci mektebinden hastahanege alındı. 15 yaşında qız can berdi, 14 yaşındaki reanimatsiyada buluna.
Memurnıñ «Krıminformğa» tarif etkenine köre, facia cumaaqşamı künü saba mektepte oldı. Can bergen qız belli olmağan ilâclarnen zeerlendi.
Qırımnıñ tasil, ilim ve gençlik nazirligi facia olğanını tasdıqlay, amma bu malümatnı resmiy şekilde izaatlamay.
Qırım.Aqiqat adisenen bağlı tafsilâtlı malümat almağa tırışa.
