Aprelniñ 28-nde ve 29-nda gece Qırımda yağmur yağacaq, bazı yerlerde küçlü yağmurlar yağacaq, furtuna olacaq. Şimaliy-şarqiy yelniñ küçü 15-20 m/s. Qayd etilgenine köre, Qırımnıñ şimaliy ve cenübiy yalısındaki özenlerde suv seviyesi 0,5-1,0 metrge köterilecek.
Keçken sefer Qırımda furtuna havfı aprelniñ 24-nde ilân etilgen edi. O vaqıt küçlü yel beklenile edi, süratı saniyede 25 metrge qadar yete edi.
2023 senesi noyabrniñ 26-nda Qırım ve Aqyarnı küçlü furtuna qaplap aldı - çeşit regionlarda biñlernen terek yıqıldı, yüzlernen ev zarar kördi. Qırımnıñ Rusiye akimiyetiniñ beyanatına köre, furtuna neticesinde beş insan elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
