Qırımnıñ Canköy rayonında eki binden çoq adam yarıqsız qaldı. Bunı oktâbr 30-ında saba "Krımenergo" müessisesi bildirdi.
Cadra Borlaq, Maryino, Acay Qat köylerinde saba saat 6:30-da yarıq söndi. Şimdilik bozulğan yerni qıdıralar.
Yarıq söngeniniñ sebepleri belli degil.
2016 senesi baarde rus energoköprüniñ üçünci pıtağı işini başlağanına baqmadan, Qırımda yarıq söndürmeleri devam etmekte. 2015 senesi dekabrden başlap Herson vilâyetinde energetik tiremelerniñ bozulğanından soñ, Ukrainadan Qırımğa elektroenergiya berilmey. Şimdilik Qırım öz generatorları, Rusiye generatorları ve Kuban energoköprüniñ elektrik ağını qullana.
Martnıñ 18-inde Rusiye prezidenti Vladimir Putin Aqyarğa keldi, anda ise Balıqlava TES-iniñ açılışında iştirak etti
