Qırımda Rusiye politsiya hadimleri, eki adamnı öldürgeninde şeklengen aqaynı tutıp aldılar, dep bildire Rusiye İİN-niñ Qırım idaresi.
Müessisege köre, oyülnin 9-ında Bağçasaray rayonında bir kvartirada eki aqaynıñ cesedi tapılğan edi, sıfatlarına köre, olarnı öldürdiler. Politsiya hadimleri ölgenlerniñ şahsiyetini bildi. Olar, 52 yaşındaki kvartira saibi ve onıñ 33 yaşındaki dostu edi. Şimdi bilingenine köre, aqaylar çoqtan-çoq pıçaq yarasından - ekisiniñ de boynu ve qursağında qararnen 10-ar yarası bar edi - vefat etti.
Rusiye politsiyası, öldürüvde evel mahkemelengen 28 yaşındaki Bağçasaray sakini şeklene, dep bildirdi.
Şübeliniñ itiraf etkenine köre, o, alkogol içimliklerni içken soñ çıqqan qavğa vaqtında aşnalarını pıçaqladı. Bildirile ki, onda qanlı pıçaqnı da tapıp aldılar.
Cinaiy dava açıldı. Rusiye Cinaiy Kodeksine köre, oña sekiz yıldan yigirmi yılğa qadar apis cesası, ya da ömür boyu apis, ya da ölüm cezası üküm etile bile.
