Link açıqlığı

Saatnıñ esas haberi

Qırımda Edem Bekirovnıñ alını belgilemek içün yañı ekspertizanı tayin ettiler


Edem Bekirov
Edem Bekirov

Qırımtatar faali Edem Bekirov, sağlıq alına köre SİZOda bulunıp olacağını ya da olamaycağını belgilecek yañı bir mahkeme tibbiy ekspertizası tayinlendi. Bunı Qırım.Aqiqat mühbiri bildirmekte.

Advokat Aleksey Ladinge köre, Bekirovnı hastahanege avgustnıñ 21-inde yollaycaqlar.

"Komissiya neticeleri ne qadar esaslı olacağını vaqıt kösterir. Eñ azından, Edem Bekirovnıñ apishanede tutulmaqnı imkânsız yapqan hastalıqlarnıñ bar olğanını belgilegen eki ilim doktorlarınıñ tibbiy hulâsaları dava malümatında bar", - dep qayd etti Ladin.

Bekirovnıñ özü ise, mahkemede advokatlarnen laf etkende, tibbiy ekspertiza, onıñ alı SİZOda tutulmaqnı imkânsız yapa, dep qarar çıqarılacağında şübelengenini ayttı.

Tünevin Rusiye nezaretindeki Qırım Yuqarı mahkemesi, Bekirovnıñ Yañı Qapığa (Krasnoperekopsk) etapını lâğu etti.

XS
SM
MD
LG