2014 senesinden Qırımda eñ az 16 Ukrayina vatandaşı "casuslıq" ve "diversiya" qabaatlavları ile mahküm etilgen, dep haber ete "Qırım uquq qoruyıcı" gruppası.
Mahküm etilgenler arasında Qırım.Aqiqat (Azatlıq Raliosınıñ leyhası) frilanseri Vladislav Yesipenko.
Ondan ğayrı bu cedvelde daa Andrey Zahtey, Vladimir Dudka, Aleksey Bessarabov, Dmitriy Ştıblikov, Gennadiy Limeşko, Leonid Parhomenko, Konstantin Davıdenko, Dmitriy Dolgopolov, Anna Suhonosova, Yunus Maşaripov, İvan Yatskin, Konstantin Şiring, Galina Dovgopola, Stanislav Stetsenko (Hudoley) bar.
"Yaqalav vaqtında, Rusiye Federatsiyası Federal Telükesizlik hızmeti "divirsiya azırlav, silâ saqlap tutuv ve casuslıq" ile qabaatladı. Bu davalarda, itiraf elde etmek içün tahqiqat vaqtında qanunsız usullar qullunuv ve iskence yapuv, qabaatsızlıq prezumptsiyasını bozuv qayd etilgen", dep yazıla bildirmede.
Rusiyeniñ Ukrayinağa qarşı büyük istilâsı başlanğandan berli işğal etilgen Qırımda cenknen razı olmağanlar kütleviy şekilde taqip etile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
