Mayısta Qurman (Krasnogvardeyskiy) rayonında Driftten beşinci Qırım kubogı keçirilecek. Onıñ dört basamağı olacaq, yarış SSSR-niñ Qara deñiz flotunıñ eñ büyük aerodromlarından birisinde olacaq. Bu aqta Qırım mediası yazmaqta.
Sport avtomobil qoşusı Büyük Onlar qasabasında ötkerilecek. Esas yarış mayısnıñ 5-ine tayinlendi. Ekinci basamağı iyülniñ 6-7-sine, üçünci - avgustnıñ 3-4-üne, dörtüncisi - sentâbrniñ 21-22-sine. Şimdilik tedbir teşkilcileri çalışmağan aerodromnıñ yollarını temizlep qoralaylar.
“Eñ azından 30 iştirakçini bekleymiz. Qırım drift yarışınen Yekaterinburg, Moskova, Sankt-Peterburg, Nijniy Novgorod, Soçi, Adler, Krasnodar, Rostov-na-Donu, Anapadan qoşucıları meraqlana. Keçken yıl seyirci olğanlar bu yıl öz maşnalarınen qoşu aydavcıları kibi yarışqa kelmek istegini bildirdi”, - dep yaza Drift Crimea Cup matbuat hızmetiniñ başı İrina Yalosnıñ sözlerinden “RİA Krım” Rusiye matbuatı.
