Soñki afta devamında Qırımda domatis fiyatı 15%-ğa tüşti. Bunı rusiyeli Qırım statistika saytında bildireler.
Eñ yüksek domatis fiyatları Yaltada - 83,27 ruble, eñ alçaq Kefede - kilogramı içün 60,07 ruble.
Amma bazı başqa erzaqnıñ fiyatı köterildi: taze hıyar (29,27%-ğa). qaymaq (0,98%-ğa), buzlu balıq (0,8%-ğa).
İrimçik, qaymaq, et ve kolbas mallarnıñ fiyatı yılnıñ başından deyerlik deñişmedi, dep bildire ekspertler.
