Saq rayonınıñ Cağa Quşçu (Ohotnokobo) köyünde noyabr 20-sinde 10-ıncı sınıf talebesi, derste yaramayıp, vefat etti. Bunı, cumaaqşamı künü Qırım Tasil, İlim ve Gençler Nazirliginiñ matbuat hızmeti, "İnterfaks" rusiye agentligine bildildi.
Bu malümatnı "VKontakte" içtimaiy ağnıñ qullanıcıları da tarqattı.
Matbuatqa köre, ölüm sebebi yürek hastalığı ola bile. Keçingen talebeniñ beden medeniyeti dersinden boşatuv vesiqası bar edi.
Matbuat hızmeti cinayetçilikni red etti ve, balanıñ şahsiy kederleri sebep olmaq mümkün edi, dep tüşüne: yaqında talebeniñ babası elâk oldı.
"Qırım gazetası", talebe derste esini coydı, dep haber etti. Sınıfdaşları, onı ellerine alıp, emşirege alıp ketti, amma o tek nefes aldı ve çıqarıp olamadı.
Bu malümatnıñ resmiy tasdıqı şimdilik yoq.
Noyabr 13-ünde ilhaq etilgen Qırımda "Artek" bala lagerinde Dağıstandan kelgen 15 yaşındaki qızçıqnı yuqudan soñ ölü taptılar. Qırım ve Aqyarda Rusiye tahqiqat komitetiniñ ilk bergen malümatına köre, aqşam o yuqlamağa yattı, saba ise ölü tapıldı.
