Qırım yalısında deñiz suvu afta soñunda +19+22 derecege qadar qızındı. Eñ sıcaq şimdi Keriç boğazında.
Bu aqta Qırım Gidrometeomerkezine esaslanıp RİA Krım matbuatı yaza.
Sinoptiklerge köre, eñ suvuq suv şimdi Qara Dağnıñ yanında.
"Qara Deñizde: Kefede +21, Aluştada +20, Yaltada +21, Qara Dağnıñ yanında +19, Aqyarda +20+21, Kezlevde +20, Aqmeçitte +21, Keriç boğazında +22, Azaq deñizinde +20", - bildire Gidrometeomerkez.
Qırım Gidromettsentrniñ malümatına köre, iyün 4-ünece yarımadada yüksek yanğın telükesi ilân etilgen. Yerli qurtarıcılar, bu arada ateş yaqmaq, manğal qullanmaq yasaq olğanını hatırlata ve ormanlıqta telükesizlik qaidelerine uymağa çağırta.
