Keçken künü Qırımda daa eki hasta koronavirustan vefat etti. Bu aqta oktâbrniñ 6-nda derc etilgen Qırımnıñ Rusiye sağlıq nazirliginiñ malümatında aytıla.
Bu malümatqa köre, Qırımda koronavirus yuqunçından vefat etken hastalarnıñ sayısı 72 oldı.
«Qırımda 2691 insan tibbiy közetüv altında qala, 758 kişi evde dinamik közetüv altında qala, 1748 kişi hastahanede buluna, 185 insan observatorlarğa izolâtsiya etildi», – dep aytıla haberde.
Qırımda keçken künü 107 koronavirus hastası qayd etildi. Umumen Qırımda, yerli akimiyetniñ malümatına köre, 5170 yañı koronavirus hastası qayd etildi. 107-si çetelden keldi, 128-i qomşu Rusiyeden kelgenler ve olarnen alâqada olğanlar, bu müddet devamında 3068 insan yahşı oldı. Yılnıñ başından Aqyarda 1135 insan yañı koronavirus yuqunçına oğradı, 711 kişi tüzeldi, 29 insan vefat etti.
Umumen Qırımda, yerli akimiyetniñ malümatına köre, 5063 yañı koronavirus hastası qayd etildi. 107-si çetelden keldi, 128-i qomşu Rusiyeden kelgenler ve olarnen alâqada olğanlar, 3008 insan tüzeldi, 69 hasta vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
