Qırımda martnıñ 19-nda COVID-19 koronavirus yuqunçından vefat etken dört kişi qayd etildi, umumen 1023 kişi vefat etti. Bu aqta Qırımnıñ Rusiye sağlıq nazirligi bildire.
Qayd etilgenine köre, 1079 insan ambulator tedaviylevde, 1256 kişi hastahanede buluna, observatorlarğa alınğanlar yoq.
Qırım ve Aqyardaki Rospotrebnadzor idaresiniñ malümatına köre, umumen 36947 COVID-19 hastası qayd etildi, tüzelgen 33986 kişi yiberildi.
Hatırlatamız, Qırımda martnıñ 19-nda 52 koronavirus hastası qayd etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
