Qırımnıñ Saq rayonında benzin kanistrasınen oyunağan dört bala yaralandı, olardan üçüni hastahanelerge uçaqnen alıp kettiler. Bunı Qırım sağlıq naziri İgor Çemodanov bildirdi.
"Bizde Saq rayonında tünevin dört bala benzin kanistrasınen oynap, onı yaqtılar... dörtü yandı. Üçüni hastahanelerge uçaqnen alıp kettiler", - haber etti o.
Nazir, bir balağa bugün ameliyat yapacaqlarını bildirdi, onıñ 2-3 derecede yanğınları bar, bedeniniñ 34%-ı yandı. Daa eki balanıñ nefes yollarında yanıqlar bar.
Yarımadada aprelniñ 10-unda mahsus yanğınğa qarşı rejim ilân etildi.
