Qırımda sentâbrniñ 5-nde sağanaq ve boranlı yağmur yağacaq, furtuna havfı ilân etildi. Bu aqta yarımadanıñ gidromettsentri haber ete.
Bu malümatqa köre, Aqmescitte ara-sıra bulutlı ava olacaq. Kündüz yağmur yağması, boran olması beklenile, şimaliy yel saniyede 7-12 metr, bazı yerlerde saniyede 15 metr olacaq. Ava arareti kündüz 25…27º olacaq.
Aqyarda ava bozulıp açılacaq. Saba ve kündüz yağmur yağacaq, boran ola bile. Kündüz şimaliy-ğarbiy yel saniyede 7-12 metr olacaq. Ava arareti kündüz 23…25º olacaq.
Qırımnıñ cenübiy yalısında ara-sıra bulutlı ava olacaq. Kündüz yağmur yağacaq, bazı yerlerde küçlü yağmur yağması beklenile. Boran. Şimaliy yel saniyede 8-13 metr esecek. Ava arareti kündüz 27…29º olacaq.
Keriçte ava bulutlı olıp açılacaq. Künniñ ekinci yarısında yağmur, boranlı yağmur yağacaq. Şimaliy-şarqiy yel saniyede 5-10 metr olacaq, boran vaqtında saniyede 14 metr esecek. Kündüz ava arareti 27…29° olacaq.
Ukraina ve ğarp sinoptikleriniñ bildirgenine köre, esas Ukrainanıñ şarqiy, cenübiy-şarqiy regionlarından ve Dnipropetrovsk vilâyetinden ğayrı, bütün regionlarında avanıñ salqınlaşqanı oldı.
