Qırımda fevral 7 ve 8-inde ava keskin sürette salqınlaşacağı aqqında bildirile. Rusiye FVN-niñ Qırım idaresi, yel quvetleşecegi, buzlavuq ve qarlı yağmur yağacağı aqqında acele beyanat derc etti.
“Devamnlı sıcaq, quru avadan soñ, fevral 7 ve 8-inde Qırımda ava şaraitleri deñişecek: qarlı yağmur, buzlavuq, şimali-şarqiy yelniñ 15-20 m/s qadar küçlenüvi. Ava arareti 10 derecege tüşecek: gece 0°… -5°, kündüz 0°… +5°”, - denile beyanatta.
Bugün Qırımda ava 16 derecege qadar qıza edi.
