Link açıqlığı

Saatnıñ esas haberi

Qırımda COVID-19 hastalarınıñ yañı rekordı qayd etildi


Nümüneviy resim
Nümüneviy resim

Qırımda akimiyet bir künde qayd etilgen COVID-19 sayısında rekord qayd etmege devam ete – oktâbrniñ 16-nda saba 579 yañı hasta qayd etildi, dep bildire Qırımnıñ Rusiye sağlıq nazirliginiñ matbuat hızmeti.

Keçken künü episi olıp 9571 insan baqıldı. Bütün müddet içinde 73856 insan tüzeldi, bir künde ise 423.

Oktâbrniñ 14-nde Rusiye kontrolindeki Qırım baş nazir muaivni, emek ve içtimaiy qoruv naziri Yelena Romanovskaya yarımada hastahanelerinde koronavirus hastaları içün yerlerniñ 88%-ı tolu, dep bildirdi.

Rusiye kontrolindeki Qırım ükümetiniñ reisi Yuriy Gotsanük Qırımda aşı olğan sakinler içün QR-kod sistemasınıñ kirsetile bile, Qırım yarımadasında tam qapanuv olacağını «şimdilik beklemeñiz», dep ayttı.

Qırımda koronavirus pandemiyası sebebinden kirsetilgen yüksek seviyeli azırlıq rejimi dekabr ayına qadar uzatıldı. Oktâbrniñ 11-nde Qırımda yañı koronavirus sıñırlavları işke tüşürildi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Как коронавирус поражает организм и как больных лечат на разных стадиях (видео)
Bekleñiz, lütfen

No media source currently available

0:00 0:06:16 0:00

COVID-19 koronavirus yuqunçı

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG