Link açıqlığı

Qırımda cami qurulacaq yerde baştaş tapıldı


Aluşta civarında Körbek köyünde cami qurulacaq yerde eski qırımtatar baştaşı tapıldı.

Qırım müftiyatında berilgen malümatqa köre, baştaş asılzadeniñ mezarında tiklenilgen edi. Baştaş eskirgen, onıñ üstündeki yazılarını oqumaqnıñ çaresi yoq.

Qırım musulmanları Diniy idaresiniñ mütehassıslar deyler ki, baştaş Körbek camisi yanında tapıldı.

Baştaş açılacaq baştaşlar müzeyine berilecek Olarnı qırımtatarlarnıñ tarihiy ve medeniy mirasınıñ bir qısmı olaraq saqlaycaqlar.

QMDİ berilgen malümatqa köre, evel-ezelden imamlarnı, asılzadelerni yerli caminiñ sağ ya da sol tarafından yerleşken mezarlıqlarda defn ete ediler.

Al-azırda 1944 senesiniñ sürgünliginden soñ yoq etilgen eski cami yerinde yañı cami qurula. Cami binası eki qatlı olacaq ve 500 adamnı sığdıracaq. Bundan ğayrı, binada mağaz olacaq. Bu yerde oquv odaları, aşhane ve diger odalar yerleşecek.
XS
SM
MD
LG