Qırımda büyük yanğınlar yüz berdi, Rusiye Fevqulâde vaziyetler nazirliginiñ idaresi Kоktebelde ve Aqmescit rayonında quru ösümliklerniñ yanğanını bildirdi.
Müessiseniñ bildirgenine köre, 5 gektarlıq yanğın Uroğaynıy köyü rayonında qayd etildi, "Drujba" ticariy olmağan bağça ortaqlığı rayonında ise 15 gektarlıq quru yanğın oldı.
Rusiye Fevqulâde vaziyetler nazirliginiñ bildirgenine köre, Kоktebelde 20 gektar quru ösümlik yanıp tura. Müessiseniñ malümatına köre, söndürüvge 150-den ziyade mütehassıs ve 25 dane tehnika, şu cümleden Mi-8 vertolötı celp etildi.
Daa evel haber etilgeni kibi, Qırımda iyül 15-19 künleri +38 derecege qadar anomal sıcaq olğanı sebebinden furtuna havfı ilân etildi, bu ise, iklim normalarından yedi derecege ziyade.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
