Qırımda çarşenbe künü, iyünniñ 5-nde, boranlı yağmur yağması beklenile, dep bildire yarımadanıñ gidromettsentri.
Sinoptiklerniñ tahminlerine köre, Aqmescitte kündüz yağmur yağacaq, furtuna olacaq. Cenübiy-ğarbiy yel süratı saniyede 7-12 metr olacaq. Ava arareti gece 17…19º, kündüz 29…31º derece olacaq.
Aqyarda yağanaqlar yağması beklenilmey. Gece yel şarqiy olacaq, kündüz ğarbiy yel süratı 5-10 metrni teşkil etecek. Ava arareti gece 18…20º, kündüz 26…28º derece olacaq.
Qırımnıñ yalı boyunda kündüz yağmur ve bora olacaq. Cenübiy-ğarbiy yel süratı saniyede 7-12 metr, kündüz saniyede 15 metrge artacaq. Ava arareti gece 18…20º, kündüz 26…28º derece olacaq.
Keriçte yağanaqlar yağmaycaq. Şimaliy-şarqiy yel süratı gece saniyede 3-8 metr, kündüz 6-11 metr, bazı vaqıtları 14 metr olacaq. Ava arareti gece 17…19º, kündüz 30…32º derece olacaq.
