Rusiye quvetçileri Kefe sakinini "VKontakte" içtimaiy ağındaki saifesinde Antitela ukrayin taqımınıñ "Fortetsâ Bahmut" ve "BEZ ÖBMEJEN" taqımınıñ türkülerini paylaşqanı içün yaqaladı. Bunıñ aqqında "Tribunal. Krımskiy epizod" telegram kanalında yazıla.
"Mantserovanı yaqalamaq içün maski-şou teşkil etildi, dört silâlı adam "bozucı" çalışqan azıq tükânını ücüm etip aldı", - dep yazıla bildirmede.
RF nezareti astında olğan Kefe mahkemesiniñ qararına köre, mütehassıs kliplerde "Trezub" resimlerini körgen. Qadın eki künge yaqalanğan.
Daa evel RF nezareti astında olğan Qırımnıñ Lenino rayon mahkemesi yeri sakinler Lenur Halilov ve Dmitriy Kamışantsevge Rusiye ordusını "itibardan tüşürüv" içün 40 biñ ruble para cezasını tayin etkeni edi.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayina tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayina prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
