Qırımda keçken künü altı insan koronavirus yuqunçından vefat etti, COVID-19-dan vefat etkenlerniñ sayısı ise 1706 insan oldı, dep bildire Qırımnıñ Rusiye sağlıq nazirliginiñ matbuat hızmeti.
Berilgen malümatqa köre, pandemiya vaqtında Qırımda 48999 insan tedaviylengen, 57930 kişi COVID-19-ğa oğrağan.
İyülniñ 26-nda Sergey Aksönov koronavirus ile bağlı olğan fermanğa yañı deñişmeler kirsetti. Oña köre, talebeler yarımadadan Rusiyege sport yarışlarına kete bileler.
İyülniñ 17-nde Qırımda koronavirus yuqunçınıñ tarqalması sebebinden yañı sıñırlavlar tayin etile. Qırımnıñ Rusiye başınıñ yüksek azırlıq vaziyeti aqqında fermanında muvafıq deñişmeler kirsetildi.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
