Qırımda keçken künü 67 yañı koronavirus hastası qayd etildi, aynı zamanda 7-niñ hastalıq alâmetleri yoq edi, dep haber etti Qırımnıñ Rusiye başı Sergey Aksönov.
Berilgen malümatqa köre, hasta olğanlarnıñ umumiy sayısından 43 adam tibbiy yardım içün muracaat etkende qayd etildi, 24 daa evel qayd etilgen hastalarnen alâqada oldı. Bir künde 146, bütün vaqıt devamında ise 35989 adam tedaviylendi ve 949 öldi.
«1789 insan (COVID) ambulator tedaviylevde, 1426 kişi (COVID ve pnevmoniya) hastahanede buluna» – dep yazıla müessiseniñ beyanatında.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
