Link açıqlığı

Saatnıñ esas haberi

Qırımda bir künde 82 COVID-19 hastası qayd etildi


Nümüneviy fotoresim

Sentâbrniñ 27-nde Qırımda 82 yañı koronavirus hastası qayd etildi. Bu aqta Qırımnıñ Rusiye yolbaşçısı Sergey Aksenov bildirdi.

Onıñ aytqanına köre, 84 hastadan 70-i tibbiy yardım içün muracaat etkende belli oldı, yedisi – daa evel hastalanğanlarnen alâqada oldı, beşi – sağlam insanlarnıñ skrining neticesinde belli oldı.

«Umumen Qırımda 4387 yañı koronavirus hastası qayd etildi. 101-i çetelden keldi, 127-si Rusiye subyektlerinden kelgenler ve olarnen alâqada olğanlar, 3432 tibbiy yardım içün muracaat etkenler ve laboratoriya tarafından tasdıqlanğan hastalarnen alâqada olğanlar, 727-si sağlam insanlarnıñ skriningi neticesinde belli oldı», – dep qayd etti Aksenov.

Keçken künü 3676 insan baqıldı. 2694 kişi tüzeldi.

Hatırlatamız, Qırımda sentâbrniñ 26-nda 86 koronavirus hastası qayd etildi.

Rospotrebnadzor, Qırımda koronavirus hastalarınıñ sayısı arta, dep qayd etti.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG