Keçken künü Qırımda 8 kişi koronavirustan vefat etti, dep aytıla Qırımnıñ Rusiye sağlıq nazirliginiñ er künlik monitoring malümatında. Müessise malümatına köre, pandemiya başlağanından Qırımda 613 kişi koronavirus yuqunçından vefat etti.
«3332 insan (covid) ambulator tedaviylevde, 3039 kişi (covid ve pnevmoniya) hastahanelerde buluna, 5 kişi ösbervatorlarğa alındı. Umumen 28180 COVID-19 hastası qayd etildi. Tüzelgen 22690 insan çıqarıldı», – dep aytıla nazirlik malümatında.
Qırım ve Aqyardaki Rospotrebnadzor idaresiniñ yolbaşçısı Natalya Penkovskayanıñ yanvarniñ 13-nde qayd etkenine köre, Qırımda COVID-19 hastalarınıñ vefat sayısı eksilmey.
Keçken künü Qırımda 213 koronavirus hastası qayd etildi. Aqyarda 7939 insan yañı koronavirus yuqunçına oğradı. 7158 kişi tüzeldi, 294 insan vefat etti.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
