Link açıqlığı

Saatnıñ esas haberi

Qırımda bir künde 24 adamda koronavirus diagnozı tasdıqlandı - Aksönov


Avgustnıñ 16-sında Qırımda 24 koronavirus adisesi qayd etildi. Bunı Qırımnıñ rusiyeli başı Sergey Aksönov bildirdi.

Bütün müddet devamında yahşı olğan 1199 adam oldı.

"16-sı tibbiy yardım içün muracaat etkende belli oldı, 1-isi daa evel hastalanğanlarnen alâqada oldı, 7-si sağlam insannıñ skriningi vaqtında belli oldı", – dep aytıla Aksenovnıñ Facebook haberinde.

Umumen Qırımda, yerli akimiyetniñ malümatına köre, 1784 yañı koronavirus hastası qayd etildi.

Tünevin Qırım laboratoriyaları koronavirusnı teşkerip, 2120 adam içün analizini yaptı. Bütün müddet devamında yahşı olğan 1199 adam oldı.

83-ü çetelden keldi, 112-si qomşu Rusiyeden kelgenler ve olarnen alâqada olğanlar. 1162 kişi tüzeldi, 19 hasta koronavirustan vefat etti. Aqyarda yılnıñ başından 401 insan yañı koronavirus yuqunçına oğradı, 325 insan tüzeldi, 12 kişi vefat etti.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG