Qırımda keçken künü 232 yañı koronavirus hastası qayd etildi. Bu aqta Qırımnıñ Rusiye başı Sergey Aksönov haber etti.
Onıñ bildirgenine köre, 232-den 157 adam tibbiy yardım içün muracaat etkende qayd etigen, 75 daa evel qayd etilgen hastalarnen alâqada olğan.
Tünevin episi olıp 3249 adam teşkerilgen. Bütün vaqıt devamında tedaviylengenlerniñ sayısı 21286 kişi olğan.
Yanvarnıñ 6-nda Qırımda 225 koronavirus hastası qayd etildi.
Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
