Keçken künü Qırımda 158 koronavirus hastası qayd etildi, dep haber ete Qırımnıñ Rusiye yolbaşçısı Sergey Aksenov.
«128-i tibbiy yardım içün muracaat etkende qayd etildi, 30-ı daa evel qayd etilgen hastalarnen alâqada oldı», – dep aytıla içtimaiy ağlarda derc etilgen haberde.
Umumen, yerli akimiyet malümatına köre, Qırımd 6168 yañı koronavirus hastası qayd etildi. 107-si çetelden keldi, 128-i qomşu Rusiyeden kelgenler ve olarnen alâqada olğanlar. 3533 insan tüzeldi.
Qırımnıñ Rusiye sağlıq nazirliginiñ er künlik monitoringine köre, keçken künü eki hasta koronavirustan vefat etti. Pandemiya vaqtında Qırımda bu yuqunçtan vefat etkenlerniñ sayısı 93 oldı.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
