Keçken künü işğal etilgen Qırımda 15 yañı koronavirus hastası qayd etildi, 10-u daa evel qayd etilgen hastalarda yapılğan qırğınlıq ile küreş tedbirleri vaqtında, 5-i tibbiy yardım içün muracaat etkende qayd etildi. Bu aqta Qırımnıñ Rusiye yolbaşçısı Sergey Aksenov bildirdi.
Onıñ malümatına köre, hastalar hastahanege alındı, alâqada olğan insanlar belli, profilaktika tedbirleri keçirile.
Qırımda, Rusiye akimiyetiniñ malümatına köre, 561 yañı koronavirus hastası qayd etildi, 36-sı çetelden keldi, 89-ı qomşu Rusiyeden kelgen ve olarnen alâqada olğan insanlardır. 367 insan yahşı oldı. Qırımda vefat etken koronavirus hastalarınıñ sayısı 17-ge arttı. Aqyarda 187 kişi hasta oldı. 152 insan tüzeldi, 3 kişi vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
