Oktâbrniñ 11-nde Qırımda 148 koronavirus hastası qayd etildi. Bu aqta Qırımnıñ Rusiye yolbaşçısı Sergey Aksenov bildirdi.
Onıñ aytqanına köre, 148 hastadan 94-ü tibbiy yardım içün muracaat etkende qayd etildi, 54-ü daa evel qayd etilgen hastalarnen alâqada oldı.
«Umumen Qırımda 6010 yañı koronavirus hastası qayd etildi. 107-si çetelden keldi, 128-i Rusiye subyektlerinden kelgenler ve olarnen alâqada olğanlar, 4906 tibbiy yardım içün muracaat etkende qayd etildi ve laboratoriyada tasdıqlanğan hastalarnen alâqada oldı, 869-ı sağlam insanlarnıñ laborator skriningi neticesinde belli oldı», – dep qayd etti Aksenov.
Keçken künü 4982 insan teşkerildi.
Bütün müddet devamında 3457 insan tüzeldi.
Hatırlatamız, Qırımda oktâbrniñ 10-nda 152 koronavirus hastası qayd etildi.
Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
