Qırımda bir kün içinde 35 yanğın, eki yol qazası ve dağda bir adise oldı, dep haber ete sentâbrniñ 3-nde Qırımdaki Rusiye Fevqulâde vaziyetler nazirligi idaresiniñ matbuat hızmeti.
Müessiseniñ qayd etkenine köre, adiselerniñ «aqibetleri olmadı».
Daa evel Fevqulâde vaziyetler nazirliginiñ hızmeti keçken afta Qırımda 283 yanğın ve 28 yol qazası oldı, dep bildirdi.
Hatırlatamız, sentâbrniñ 3-nden 6-na qadar Qırımda yüksek telüke rejimi ilân etildi.
Qırımnıñ Rusiye Fevqulâde vaziyetler nazirligi 2019 senesi keçken seneniñ aynı müddetine baqqanda orman yanğınlarınıñ sayısı eki qat ziyade eksildi, dep bildirgen edi.
