Şemşedinov yanvarniñ 26-nda Kirovskoye qasabasında tutuldı. O künü evinde tintüv keçirildi, soñra FSB hadimleri onı belli olmağan yerge alıp ketti. Yaqalanğanda Rusiye quvetçileri, yaqalanğan kişi "üç künden soñ bağğa çıqacaq", dep bildirgen edi, amma bu öylede olmadı.
''Olar onı evde yürgen urbada alıp kettiler: futbolka, sport urbası, sport triko. Böyle de çıqarıldı. Amma tışarıda yanvarniñ 26-sı, suvuq. Onı kelgen avtobuslarğa alıp kettiler. Eki mikroavtobus bar edi. Onı anda alıp kettiler ve men onı bir daa körmedim", - dep qayd etti Abibullayeva.
Elzara Abibullayevanıñ aytqanına köre, quvetçiler evge kirgende Rusiye mahkemesiniñ qararını oqudı, tintüv ve yaqalav sebebini añlatmaqtan vazgeçti, ve tahqiqat areketlerine dair bir de bir vesiqanı qaldırmadı.
Abibullayevanıñ bildirgenine köre, o, Qırımda Rusiye Federatsiyasınıñ aman-aman bütün küç organlarına muracaat etti, lâkin oña Şemşedinovnıñ bulunğan yeri aqqında iç bir yerde haber etilmedi.
2023 senesi noyabrniñ 16-nda "Qırım birdemligi" bildirgenine köre, Aqyarda noyabrniñ 3-nde belgisiz şahıslar 22 yaşında Farhad Soliyevni alıp kettiler. Anası Lenara Seydaliyevanıñ qayd etkenine köre, nezaret kamerasından körüne ki, Soliyevni üniformalı adamlar, büyük ihtimal ile FSB hadimleri alıp ketti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
