Tünevinden berli Qırım yaqıt stantsiyalarında benzinniñ paalılaşması körüne, bildire Qırım.Aqiqat mühbiri.
Onıñ malümatına köre, Aİ-95 markalı benzinniñ fiyatı 1,5%-ğa arttı. Böylece, ATAN yaqıt stantsiyalarında fiyatlar bir litr içün 48,24 rubleden 48,99 rublegece arttı. TES yaqıt stantsiyalarında da aynı - benzinniñ bir litri içün fiyat 48,2 rubleden 48,8 rublegece arttı. Aİ-92 yaqıtınıñ fiyatı azcaraq, tahminen 1%-ğa paalılaştı.
Aprelniñ soñunda Rusiye nezaretindeki Qırim yaqıt stantsiyalarında bir aynıñ içinde benzin fiyatı deyerli deñişmegeni bildirile edi. Cermay bazarında fiyatlarnıñ tüşkenine baqmadan, mında benzin ucuzlanmadı. A-95 benzininiñ fiyatı qararnen 48 ruble edi.
