Qırımda beklenilgen qar ve şiddetli yel sebebinden furtuna telükesiniñ müddeti eki künge uzattırıldı. Bunı Qırım boyunca Rusiye Fevqulâde vaziyet nazirliginiñ matbuat hızmeti haber etti.
"Fevralniñ 14-nde kündüz ve fevralniñ 15-nde gece qırımda sılaq qar, qar, merkeziy, cenübiy ve şarqiy rayonlarda şiddetli yağanaqlar, yollarda buzlavuq, qar boranı beklenile. 15-20 m/s, bazı yerlerde 25 m/s-ge qadar çıqqan şimal-ğarp yeline keçüvnen birlikte cenüp-ğarp yelniñ quvetleşmesi tenbisi bar", - dep yazıla bildirmede.
Daa evel şiddetli yağmur sebebinden Qırımda fevral 12 ve 13 künleri furtuna telükesi ilân etilgen edi
Qırımda yaramay ava sebebinden furtuna telükesi artıq bir qaç kere uzattırılğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
