Link açıqlığı

Emanetçilerniñ qoruması fondı ve Rusiye Bankı Qırım banklarında para olğan adamlarğa tazmin etilmesini ilân ettiler. Bügünden başlap, Rusiye merkeziy bank tarafından Qırımda yasaq etilgen Ukrain banklarda olğan emanetlerni almaq içün arizalar qabul etilmege başladı.

Qırım.Aqiqat hadimi bildirgenine köre, sabadan başlap, adamlar uzun nevbetlerge tizileler. Eñ uzun nevbet Aqmescitte olğan Privat Banknıñ merkeziy ofisi yanındadır.

Bazı adamlar nevbette turıp yaramağanları aqqında malümatlar bar.

Adamlar tünevinden nevbetlerge yazıla ediler. Şay etip adamlar ariza bermeq içün cedvelde olğan nomerinen talon alalar. Talonda oña ariza yazmaq içün kün ve vaqtı da belgilene. Üylege qadar öyle talonlarnı 5 biñ adam alğan. Privatbanktan paranı alacaq insanlarnıñ nevbeti endi Mayıs 8ge qadar tizildi.

Banklar yanında adam toplanması devam ete.

Tazmin almaq içün emanetini «Privat bank»qa bergenleri bu banknıñ 15 köy-şeerde bulunğan 21 ofisinde alıp olarlar, «İMEKSBANK», «Kiyevskaya Rus» ve «ViEyBi Bank»lardan almaq içün – 52 yerde 22 köy-şeerde alıp olarlar. Banklarnıñ bölükleriniñ adresleri aqqında tafsilâtlı malümat almaq içün 0-800-50-77-44 telefonından ve bu siteden ögrene bilesiz: www.fzvklad.ru.
Rusiye Bankı Aprelnıñ 21de 2014 senesi Qırımda «Privatbank», «İMEKSBANK», «Kiyevskaya Rus» bankı ve «ViEyBi Bank»larnı yasaq etti.
XS
SM
MD
LG