İlhaq etilgen Qırımda ana-babasız kelip bala ombudsmenine şikâyet etken balalarnıñ sayısı er yıl artmaqta, dedi "Sputnik v Krımu" radiosınıñ efirinde Rusiye nezaretindeki Qırımda bala aqları boyunca vekâletli İrina Klüyeva.
O qayd etti ki, bala muracaatlarınıñ sayısı ana-baba muracaatlarınen aman-aman bir kele.
"Çoqusı alda vekâletligi oquşnen bağlı vaziyetlernen muracaat eteler, misal içün oquv yurtlarında balalar arasında, bala ve ocalar arasında ve ilâhre dava çıqqanda şikâyet eteler. Bundan ğayrı vatandaşlıq meselelerinen muracaat eteler", - aytıp bere Klüyeva.
O qayd etti ki, oña ekseriyette 10-14 yaşındaki balalar kele.
"Tahminen dört yıl evelsi altı bala muracaatı olsa, keçken yılda 18 ariza edi", - dedi o.
