İşğal etilgen Qırımda bala meydanında Ukrayina tuğrasınıñ resmini yapqan Veronika Nosonova yaqalandı. Ondan rusiye tarafdarı bloger Aleksandr Talipov şikâyet etti.
Bundan evel onıñ telegram kanalında Aqmescitte Bela Kuna soqağındaki bala meydançığında Ukrayina timsallerinen işaret peyda olğanı aqqında malümat yayınlandı. Ukrayina tuğarsınıñ remini yapqan qıznı közetüv kameraları qayd etti
Talipov Veronika Nosonovanıñ "afu istemesi"niñ videosını yayınladı. Kamerağa o, yapqan resimlerniñ üstüni boyalamaq söz bere ve Putin ve onıñ "mahsus operatsiyası"nı desteklegenini bildire.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
