Qırımda martnıñ başında ava arareti 15 derecege qadar köterilecek ve yağmurlar yağacaq. Bu aqta Qırımnıñ Gidromettsentr yolbaşçısı Tatyana Lübetskaya tarif etti.
«Qırımlılarnı yahşı ava bekley: sıcaq, ava arareti normadan 4-5 derece yüksek olacaq. Bazar künü, martnıñ 1-nde, sıfırdan yuqarı 5-10 derece olacaq, kelecek afta ise ava arareti 10-15 derece olacaq. Gece de ava sıcaq olacaq – 3-8 derece. Bazı künleri 0-5 derece olması mümkün», – dep bildirdi o, akimiyetke yaqın «Krıminform» Qırım neşirine.
Onıñ aytqanına köre, ara-sıra yarımadada yağmurlar yağacaq.
«Qış olmadı, baar endi kele», – dedi Lübetskaya.
Qırımda fevralniñ 29-nda sinoptikler yağmurlı bulutlı ava olacağını tahmin etti.
Yarımadada fevralniñ 28-ne qadar furtuna havfı ilân etilgen edi. Fevqulâde vaziyetler nazirligi bu künleri deñizge çıqmaq telükeli olğanını qayd etti.
