İşğal etilgen Qırımda aylıq borcları 89%-ğa arttı. Bu aqta Rusiye kontrolindeki Qırımnıñ emek ve içtimaiy qoruv naziriniñ muavini Leonid Mihalevskiy bildirdi.
«Mayısnıñ 1-nde «Krımstat» malümatına köre 2020 senesi aprelniñ 1-ne köre borc 7,5 mln rublege ya da 89%-ğa arttı, aylığını vaqtında alamağan hadimlerniñ sayısı 142-ge arttı, borclu şirketler 7-ge arttı. 2020 senesi mayısnıñ 1-nde 17 Qırım şirketinde 535 hadim ögünde aylıq borcu 15,9 mln ruble oldı», – dep aytıla haberde.
Qırım ve Aqyardaki Rusiye Tahqiqat komitetiniñ idaresi «Krımenergomontaj» şirketiniñ hadimlerine aman-aman 13 million ruble miqdarında aylıq berilmegeni içün cinaiy dava açtı.
«Krımskiy titan» müessisesi hadimlerge aylıq bermegeni içün para cezasını aldı.
