İyün 15-inden başlap "Mishor - Ay Petri" alatlı yolu işini başlaycaq. Bunı alatlı yolnıñ operator şirketiniñ matbuat hızmeti bildire.
"İyün 15-inden başlap "Mishor - Ay Petri" alatlı yolu yolcu taşımasını ğayrıdan başlaycaq. Alatlı yol 11.00-den 17.00-ğace çalışacaq", - denile beyanatta.
Yanvarniñ 20-sinden başlap "Mishor - Ay Petri" alatlı yolnıñ donatmalarında profilaktik işlerni yapmaq içün, çalışması toqtatılğan edi.
"Mishor - Ay-Petri" - belli turistik yer. 2013 senesi alatlı yolnıñ alatını, Avstriyadan ketirilgen yañı soyuna deñiştirdiler. Yolnıñ saytında, o, eñ uzun 1670 metr tayanğıçsız alatlı yol olaraq, Guinness kitabına kirsetilgen, dep bildirile.
