Qırımda “büyük yanğın telükesi” sebebinden ateş yaqmaq ve manğal qullanmaq yasağı daa üç künge uzatıldı.
Rusiye FVN-niñ Qırm idaresiniñ malümatına köe, büyük yanğın telükesi sebebinden iyün 16-sınace böyle şeyler yasaq: quru ot yanında, ormanda tereklerniñ yanında ateş yaqmaq, manğal qullanmaq, açıq ateşi olğan tertibatnı qullanmaq; ateşni baqılmaz qaldırmaq; sigaret içmek, yanğan sernik ve sigaret tüplerini atmaq; pirotehnik şeylerni qullanmaq.
Bundan ğayrı, tereklerniñ tübünde, tarlalarda ot yaqmaq, yaqıt stanstsiyalarında sigaret içmek ya da açıq ateşni qullanmaq yasaq.
Qırım Gidromettsentrniñ malümatına köre, iyün 4-ünece yarımadada yüksek yanğın telükesi ilân etilgen. Yerli qurtarıcılar, bu arada ateş yaqmaq, manğal qullanmaq yasaq olğanını hatırlata ve ormanlıqta telükesizlik qaidelerine uymağa çağırta.
Avgustnıñ 11-inde üyleden soñ Üç Qoş deresinde yanğın başlandı. Fevqulade vaziyetler hızmetiniñ (FVH) haber etkenine köre, yanğın uzaq dağlıq yerinde, 45-80 derecelik bir bayır capında başlandı. Ateşniñ söndürmesine, derede 15-20 m/s qadar köterilgen küçlü yel mania ola.
