İşğal etilgen Qırımda ruslar arbiy yaştan büyük olğan sakinlerge celpnameler berip seferberlikni devam eteler. Bunı "QırımSOS" uquq qoruyıcı teşkilâtınıñ reisi Oleksiy Tılnenko haber etti.
"Kreml yolbaşçısı Vladimir Putinniñ oktâbrniñ soñunda seferberlikniñ yekünlenmesi aqqında bildirgenine baqmadan işğal etilgen Qırımda gizli seferberlik jdevam etmekte. Celpnameler küzki askerlikke cel etüv çerçivesinde degil le, seferberlk çerçivesinde berilgeni aqqında bir qaç adise aqqında bizge malüm oldı. Arbiy yaştan büyük olğan sakinlerge celpnameler berilgeni de bunıñ daa bir isbatı ola bilir", - dedi o.
Rusiyede sentâbrniñ 21-nde seferberlik ilân etildi. Rusiye prezidenti Vladimir Putin onı «qısmiy» dep adlandırdı, askerlik yapqan ve arbiy tecribesi olğanlar seferber etilecek, dep ayttı. Faqat bir tatili ve azırlığı olmağanlar seferber etildi ve cebege yollanıldı.
Putin bildirgenine köre, oktâbrniñ 14-ne qadar 300 biñ 222 biñ kişi seferber etildi. «Mediazona» seferberlik ilân etilgen soñ toylarnıñ sayısı artqanına dair malümatqa (celpname alğanlar muracaat künü evlenmege imkân bere) esaslanıp, cenkke alınğan Rusiye erkekleriniñ sayısını saydı. Eñ az 492 biñ kişi seferber etildi.
Keçken afta Ukrayına Silâlı quvetleriniñ Baş ştabı, Rusiyeniñ arbiy-siyasiy reberligi qısmiy seferberlikni resmiy şekilde bitire, amma bazı Rusiye vatandaşlarına celpnameler berile.
Rusiyede seferberlik ilân etilgen soñ Qırım ve Aqyarnıñ Rusiye akimiyeti askerlikke aluv komissiyaları quruldı, dep bildirdi. Aq qorçalayıcılarnıñ malümatına köre, 5 biñden çoq insan celpname aldı. Aqyarnıñ Rusiye akimiyeti tahminen 2 biñ insan endi Rusiyege ant etti, dep bildirdi. Ukrayına Silâlı quvetleriniñ Baş ştabı olarnı endi Herson vilâyetine ketirdiler, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.v
