Qırımda Aqmescitten Herson vilâyetiniñ memuriy sıñrınace avtobus yürip başladı. Bu aqta jurnalistlerge Qırımnıñ rusiyeli ükümetiniñ vitse-premyeri Yuliya Jukova bildirdi, dep yaza "Krıminform" saytı.
Beyanatqa köre, iyül 24-ünden başlap, Aqmescit tarafına ve Aqmescitten memuriy sıñırğa taraf 12-şer avtobus yürip başlaycaq.
Aqmescitten avtobuslar "Kurortnaya" avtostantsiyasından çıqacaq, biletlerni kassalarda almaq mümkün. Herson memuriy sıñından ketken yolcular ise, şimdilik biletlerni tek aydavcılardan satın ala bile, çünki toqtav yerleri daa tiklenmekte. Birinci avtobus saat 6:00-da çıqa, soñkisi Aqmescitten 17:00, memuriy sıñırdan - 19.00 kete. Reyste yañı avtobuslar qatnaycaq.
Daa evel Qırımnıñ rusiyeli başı Sergey Aksönov, Herson vilâyetiniñ memuriy sıñırı ile yolcular yürgüzmesini "qanunleştirmege" buyurğan edi.
