Keçken raatlıq künleri Aqmescitte sıcaqlıq rekordı qayd etildi.
Bu aqta Qırımdaki gidromettsentr yolbaşçısı Tatyana Lübetskaya «Krıminform» akimiyet tarafdarı saytına bildirdi.
Onıñ malümatına köre, cumaertesi künü Aqmescitte ava arareti 36,4 derece oldı.
«İyülniñ 4-nde Aqmescitte sıcaqlıq rekordı oldı. 1996 senesi 35,5 derece, keçken cumaertesi künü 36,4 derece qayd etildi – iklim normasından 1,1 derece yüksek», – dep tarif etti Lübetskaya.
Soñki sefer Qırımdaki sıcaqlıq rekordı aqqında 2020 senesi mart ayında haber etken ediler, o vaqıt ava arareti +25,2 derece oldı.
Qırımda iyülniñ 8-ne qadar anomal sıcaq aqqında tenbileyler. Azaq deñizinde suv sıcaqlığı +27 derecege köterildi.
