Qırımda "Noman Çelebicihan batalyonında" iştirak etkeni içün qanunsız şekilde mahküm etilgen Herson vilâyetiniñ sakini Ruslan Abdurahmanov RF Tambov vilâyetiniñ Miçurinskteki 5-nci nomeralı tüzetüv cezahanege etkenler. Bunı "Qırım uquq qoruyıcı gruppası" haber ete.
Uquq qoruyıcılarnıñ malümatına köre, Abdurahmanov eñ azından bir afta kartserde tutula eken.
"Kartserge yerleştirilmesiniñ formal sebebini Abdurahmanovnıñ imayecisi ögrenip olamadı", - dep haber etile bildirmede.
Berilgen malümatqa köre, Rusiye uquq qoruyıcıları Ruslan Abdurahmanovnı 2022 senesi baarde Herson vilâyetiniñ Azovskoye köyünde tuttı. Rusiye mahkemesi tarafından «Noman Çelebicihan batalyonında» iştirak etüv qabaatınen beş yılğa üküm etilgen Abdurahmanov Rusiye uquq qoruyıcıları tarafından işkencege oğratılğanını aydınlattı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
