Qırımlı 39 insanğa qarşı Rusiye akimiyeti ve quvetçileri siyasiy sebeplerden sıñırlav tedbirleri ya da sınav müddetini qullandı. Olardan 23-ü qırımtatar halqınıñ vekilleri ola, dep haber ete Qırımtatar resurs merkezi.
"Qırımtatar Resurs Merkezi "Azatlıqtan tış aqları sıñırlanğan Qırımnıñ siyasiy mabüsleri" kategoriyasını ayıra. Hususan, bu kategoriyağa sıñırlavlar, sınav müddeti, şartlı müddet, memuriy nezaret ya da ev tevqifi altında bulunğan insanlar kirsetile bile", — dep aytıla Qırımtatar resurs merkeziniñ haberinde.
QRM qayd etkenine köre, bu sıñırlavlar "qanunsız ceza müddetinden soñ siyasiy mabüslerniñ vatandaşlıq ayatını pek qıyınlaştırmaq içün yapıldı".
«К примеру люди, которые находятся под этими ограничениями, не могут полноценно трудоустроиться, получить медицинскую помощь или даже социальные льготы. Добавим, что Россия использует абсолютно все инструменты репрессивной машины для показательных наказаний за проявление проукраинской позиции в Крыму», – добавили в КРЦ.
"Meselâ, bu sıñırlavlar altında bulunğan insanlarnıñ tam iş imkânları, tibbiy yardım ya da içtimaiy yardımğa irişimleri yoq. Qayd etmek kerek ki, Rusiye Qırımda Ukrayina tarafdarı olğanlarğa ceza bermek içün repressiya maşinasınıñ bütün aletlerini qullana", — dep qoştılar merkezde.
Daa evel haber etilgeni kibi, Qırımtatar Resurs Merkezi Qırım ilhaqı vaqtında 331 siyasiy apis ve cinaiy davalar boyunca taqip adiselerini qayd etti, olardan 217-si - qırımtatar halqınıñ vekillerine qarşı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
