Link açıqlığı

Saatnıñ esas haberi

Qırımda altı yañı COVID-19 hastası qayd etildi – Aksenov


Nümüneviy resim
Nümüneviy resim

Mayısnıñ 29-nda Qırımda altı yañı koronavirus hastası qayd etildi. Bu aqta Qırımnıñ Rusiye yolbaşçısı Sergey Aksenov Facebookta bildirdi.

Onıñ aytqanına köre, bir hasta tibbiy yardım içün muracaat etkende, daa beşi epidemiologik tahqiqat neticesinde qayd etildi. Hastalar yuqunç hastahanesine alındı.

«Qırımda 375 yañı koronavirus hastası qayd etildi. 27-si çetelden keldi, 74-ü Rusiye subyektlerinden kelgenler ve olarnen alâqada olğanlardır, 261 hasta tibbiy yardım içün muracaat etkende ve qayd etilgen hastalarnen alâqada olğanı içün qayd etildi, 13-ü sağlam insanlarnıñ laborator skriningi yapılğanda qayd etildi. 229 insan tüzeldi», – dep qayd etti Aksenov.

Berilgen malümatqa köre, Qırımda 269 koronavirus hastası qayd etildi. Aqyarda 161 COVID-19 hastası oldı, 3 kişi vefat etti.

Hatırlatamız, Aksenov, Qırımda iyünniñ 15-nde şifahane-kurort kompleksi Rospotrebnadzor talaplarına uyğun bir şekilde çalışıp başlaycaq, lâkin tek qırımlılar raatlana bilecek, dep bildirdi.

Yarımadada iyünniñ 1-nden itibaren qave ve restoranlarnıñ yaz meydançıqları çalışacaq.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG