Qırımdaki Rusiye fevqulâde vaziyetler nazirliginiñ idaresi Qırımda noyabrniñ 30-nda ve dekabrniñ 1-nde olacaq ruzgâr ve yağanaqlar aqqında haber ete. Bu aqta idareniñ matbuat hızmeti bildire.
«Noyabrniñ 30-nda saniyede 20-25 metr süratınen küçlü şimaliy-şarqiy yel esmesi beklenile. Noyabrniñ 30-nda kündüz, dekabrniñ 1-i devamında sılaq qar, yağmur, bazı yerlerde küçlü yağanaqlar yağacaq, klegey buz, buzlavuq olacaq», – dep aytıla haberde.
Tünevin Aqmescitte qar yağdı.
Qırımda cumaaqşamı künü, noyabrniñ 29-nda, yağmur ile qar yağacaq, bazı yerlerde buzlavuq olacaq, kündüz ve gece sıfırdan aşağı ava olacaq, dep bildirilgen edi.
