Aqmescitteki Rusiye Sulh mahkemesi advokat Emil Kurbedinovğa, onıñ telegram kanalında studentlerniñ arbiy komissarlıqqa çağırılması aqqında yazğanı içün 30 biñ ruble para cezasını berdi. Bu aqta "Qırım birdemligi" haber ete.
Qayd etilgenine köre, mahkeme adliyecini "arbiy komissarlıqnıñ işi aqqında yañlış malümatnı" derc etüvde qabaatlı tanıp, cemiyet içün müim olğan malümatnı yañlış dep tanığanı içün para cezasını belgiledi.
Rusiye uquq qoruyıcı organlarınıñ ekspertleri, Kurbedinovnıñ derc etilgen malümatında studentlerniñ aqları bozulğanı aqqında malümat içtimaiy emiyet malümatı ola ve kerçek haber kibi taqdim etilgen dep, hulâsa çıqardılar.
Bundan da ğayrı, uquqçınıñ şahsiy telegram kanalını ekspertler "saiplerniñ sıñırsız dairesi içün açıq bir yer" dep adlandırdılar, ve "saipniñ bu saifede derc etkenleri açıq tabiatnıñ derc etkenleri sayıla".
"Men sebebini tahmin ete bilem. Bu, Qırımda advokatlarğa yapılğan basqı", — dep bildirdi Kurbedinov.
Kurbedinov uquq qoruyıcı ve advokat. O, Rusiye akimiyeti yarımadanı ilhaq etken soñ taqip etip başlağan qırımtatarlarnı qorçalay. Advokat Qırımda insan aqlarınıñ bozuluvına diqqat celp etmege tırışa.
Fevralniñ 15-nde Aqmescitte Rusiyeniñ Ekstremizm ile küreş merkeziniñ hadimleri advokat Emil Kurbedinovnı yaqaladı.
Adliyecige qarşı "Kütleviy haber serbestliginiñ bozuluvı" maddesine istinaden protokol tizildi. Söz "KEM vilâyetiniñ" advokatınıñ telegram kanalında yazılğan haber aqqında kete. O haberde, orduda bulunmaqtan vazgeçmek aqqı olğan studentlerge, çağıruv kelgende, RF Silâlı quvetleriniñ saflarına kirmemek içün yollar añlatılğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
