Link açıqlığı

Saatnıñ esas haberi

Qırımda 87 yañı COVID-19 hastası qayd etildi


Nümüneviy resim
Nümüneviy resim

Keçken künü Qırımda 87 yañı koronavirus hastası qayd etildi, dep bildire Qırımnıñ Rusiye yolbaşçısı Sergey Aksenov.

«63-ü tibbiy yardım içün muracaat etkende qayd etildi, 8-i daa evel qayd etilgen hastalarnen alâqada oldı, 16-sı sağlam ealiniñ skriningi neticesinde belli oldı», – dep aytıla Facebooktaki haberde.

Yerli akimiyetniñ malümatına köre, umumen Qırımda 4474 yañı koronavirus hastası qayd etildi. 101-i çetelden keldi, 128-i Rusiye subyektlerinden kelgenler ve olarnen alâqada olğanlar, 3502 tibbiy yardım içün muracaat etkenler ve laboratoriya tarafından tasdıqlanğan hastalarnen alâqada olğanlar, 743-ü sağlam insanlarnıñ skriningi neticesinde belli oldı. 2780 insan tüzeldi, 59 kişi koronavirustan vefat etti.

Rospotrebnadzor, Qırımda koronavirus hastalarınıñ sayısı arta, dep qayd etti.

Rusiye kontrolindeki Qırım akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG